🔶३१ ऑगस्ट रोजी प्रारूप मतदार यादी (SIR) होणार प्रकाशित, नाव दुरुस्तीसाठी मिळणार विशेष संधी..!

बारामती
आगामी निवडणुकीच्या पार्श्वभूमीवर भारतीय निवडणूक आयोगाच्या निर्देशानुसार महाराष्ट्रात विशेष मतदार यादी पुनरीक्षण (SIR) मोहीम राबवली जात आहे. यादरम्यान, येत्या ३१ ऑगस्ट २०२६ रोजी महाराष्ट्रातील प्रारूप मतदार यादी अधिकृतपणे प्रकाशित केली जाणार आहे. ही यादी ३१ ऑगस्ट रोजी आल्यावर नागरिकांनी घाबरून न जाता आपले नाव आणि इतर तपशील तपासून घेण्याची ही सुवर्णसंधी असल्याचे प्रशासनाकडून स्पष्ट करण्यात आले आहे..!

                                 प्रारूप मतदार यादी नागरिकांना खालील माध्यमांद्वारे पाहता येईल.

🔶ceo.maharashtra.gov.in या महाराष्ट्राच्या मुख्य निवडणूक अधिकाऱ्यांच्या SIR पोर्टलवर जाऊन पाहता येईल.
🔶voters.eci.gov.in या भारत निवडणूक आयोगाच्या वेबसाइटवरून तपासता येईल.
तसेच आपल्या भागातील बूथ लेव्हल ऑफिसर (BLO) यांच्याकडे उपलब्ध असलेली यादी पाहता येईल.
यादीत आपले नाव शोधल्यानंतर ५ मुद्द्यांची महत्त्वाची चेकलिस्ट तपासायची आहे, ज्यामध्ये नाव समाविष्ट आहे का, स्पेलिंग आणि वडिलांचे/पतीचे नाव बरोबर आहे का, वय व जन्मतारीख योग्य आहे का, फोटो आणि पत्ता अचूक आहे का, तसेच EPIC नंबर व मतदान केंद्र बरोबर आहे का, या गोष्टींची खात्री करणे आवश्यक आहे..!

ही प्रारूप यादी असल्याने यात बदल किंवा दुरुस्ती करता येऊ शकते. जर तुमचे नाव यादीत नसेल तर “आता काही करता येणार नाही” असा गैरसमज करून घेऊ नका. ३१ ऑगस्ट ते ३० सप्टेंबर २०२६ या कालावधीत नागरिकांना दावा दाखल करण्याची संधी असेल.
🔶 नवीन नाव नोंदणी किंवा वगळलेले नाव पुन्हा समाविष्ट करण्यासाठी अर्जदारांना नमूना क्रमांक ६ (Form 6) भरावा लागेल, ज्यासाठी आवश्यक कागदपत्रे आणि घोषणापत्र द्यावे लागते.
🔶नावात किंवा पत्त्यात चूक असल्यास नाव, पत्ता, वय किंवा फोटो यातील कोणत्याही चुकीच्या दुरुस्तीसाठी नमूना क्रमांक ८ द्वारे अर्ज करता येईल.
२०२५ च्या यादीत नाव असून २०२६ च्या प्रारूप यादीत नाव नसल्यास, महाराष्ट्र सीईओच्या SIR पोर्टलवर ASDD ची स्वतंत्र तपासणी सुविधा उपलब्ध असेल. तिथे अनुपस्थित, स्थलांतरित किंवा दुबार म्हणून नाव दाखवण्याचे कारण समजेल..!

🔶३१ ऑगस्ट २०२६ प्रारूप मतदार यादी प्रकाशित होणार.
🔶 १ सप्टेंबर ते ३० सप्टेंबर २०२६ दावे व हरकती दाखल करण्याचा कालावधी.
🔶२४ ऑगस्ट ते २२ ऑक्टोबर २०२६-सुनावणी / निराकरण प्रक्रिया.
२७ ऑक्टोबर २०२६ अंतिम मतदार यादी प्रकाशित होणार.त्यापूर्वी ३१ ऑगस्ट रोजी आपली मतदार यादी तपासा. जर काही चूक किंवा त्रुटी आढळल्यास, त्याच दिवशी योग्य तो Form 6 किंवा Form 8 भरून आपला दावा दाखल करा. ३० सप्टेंबरची अंतिम तारीख निघून जाण्याची वाट पाहू नका, कारण ही आपली लोकशाहीतील हक्काची जागा टिकवून ठेवण्याची महत्त्वाची संधी आहे..!