अजितदादा पवार यांच्या जयंती निमित्त विशेष,महाराष्ट्राच्या राजकारणातील एका ‘पॉवरफुल’ पर्वाचा वेध..!

बारामती

महाराष्ट्राच्या राजकारणात आपल्या तडाखेबंद कार्यपद्धतीसाठी, रोखठोक भूमिकेसाठी आणि ‘दादा’ या हक्काच्या नावाने ओळखले जाणारे ज्येष्ठ नेते, माजी उपमुख्यमंत्री स्वर्गीय अजितदादा पवार यांच्या पहिल्या जयंतीनिमित्त आज संपूर्ण महाराष्ट्रातून त्यांच्या आठवणींना उजाळा दिला जात आहे. ते आज आपल्यात नसले तरी त्यांनी आपल्या कार्याने महाराष्ट्राच्या मातीवर उमटवलेला ठसा आजही तितकाच गडद आहे. या निमित्ताने त्यांच्या राजकीय आणि सामाजिक जीवनप्रवासाचा घेतलेला आढावा..!

राजकीय वारसा आणि सुरुवातीचा प्रवास १९८२ सुरु झाला.२२ जुलै १९५९ रोजी जन्मलेले अजितदादा पवार यांनी ज्येष्ठ नेते शरदचंद्र पवार यांच्या मार्गदर्शनाखाली राजकारणाचे धडे गिरवले.सुरुवात १९८२ मध्ये सहकारी साखर कारखान्याच्या संचालक पदापासून त्यांच्या सार्वजनिक जीवनाची सुरुवात झाली.पहिले पाऊल -१९९१ मध्ये ते पहिल्यांदा बारामती मतदारसंघातून लोकसभेवर निवडून गेले. मात्र, शरद पवार यांच्यासाठी त्यांनी खासदारकीचा राजीनामा दिला.विधानसभा प्रवास – त्यानंतर त्यांनी बारामती विधानसभा मतदारसंघातून निवडणूक लढवली आणि आयुष्यभर बारामतीकरांनी त्यांच्यावर एकहाती आणि सलग विश्वास दाखवला..!

प्रशासनावरील मजबूत पकड आणि कार्यपद्धती चा कायमच उल्लेख केला जाईल.अजितदादा हे त्यांच्या कामाचा माणूस’ आणि ‘शिस्तप्रिय प्रशासक’ या प्रतिमेसाठी ओळखले जात. महाराष्ट्राच्या राजकीय वर्तुळात त्यांच्या कार्यपद्धतीचे नेहमीच कौतुक झाले.पहाटे मंत्रालयात ६ वाजता हजर राहून कामाचा धडाका लावणे, ही अजितदादांची ख्याती होती.शब्द पाळणारा नेता अशी दादांची ओळख होती.”दादांनी शब्द दिला की काम होणारच,” असा विश्वास सर्वपक्षीय कार्यकर्त्यांमध्ये आणि जनतेमध्ये असायचा.महत्त्वाची पदे – त्यांनी महाराष्ट्राचे सर्वाधिक उपमुख्यमंत्री, अर्थमंत्री, ऊर्जामंत्री, जलसंपदामंत्री, राज्य उत्पादन शुल्क मंत्री अशा अनेक महत्त्वाच्या खात्यांचा कार्यभार अत्यंत यशस्वीपणे सांभाळला. महाराष्ट्राच्या अर्थसंकल्पावर त्यांची नेहमीच मजबूत पकड राहिली..!

विकासकामांचा ‘बारामती पॅटर्न’ म्हणून अजितदादांच्या नेतृत्वाखाली बारामतीचा झालेला कायापालट हा संपूर्ण देशासाठी एक आदर्श मॉडेल मानला जातो.अत्याधुनिक शेती, एमआयडीसी (MIDC) च्या माध्यमातून झालेली औद्योगिक प्रगती, जागतिक दर्जाच्या शैक्षणिक संस्था आणि दर्जेदार रस्ते-पायाभूत सुविधा हे दादांच्या दूरदृष्टीचे उत्तम उदाहरण आहे.केवळ बारामतीच नव्हे, तर संपूर्ण महाराष्ट्रात जलसंपदा आणि अर्थ खात्याच्या माध्यमातून त्यांनी सिंचनाची आणि विकासाची मोठी कामे मार्गी लावली..!

बदलत्या राजकारणातील ‘पॉवर गेम’ करणारे नेते म्हणून त्यांचा महाराष्ट्राच्या राजकारणात कायमच नोंद राहील.महाराष्ट्राच्या राजकारणात झालेल्या अनेक मोठ्या राजकीय घडामोडींच्या केंद्रस्थानी अजितदादा राहिले. राष्ट्रवादी काँग्रेस पक्षातील (NCP) अंतर्गत घडामोडींनंतर, त्यांनी व्यावहारिक राजकारणाची भूमिका घेत राज्यात महायुती सरकारमध्ये उपमुख्यमंत्री पदाची धुरा सांभाळली होती. त्यांच्या अनेक राजकीय निर्णयांनी महाराष्ट्राच्या राजकारणाला वेळोवेळी नवी दिशा दिली..!

स्वर्गीय अजितदादा पवार आज आपल्यात नसले, तरी त्यांनी घेतलेले धाडसी निर्णय, प्रशासनावरील वचक आणि लोकहितासाठी दाखवलेला झपाटा यामुळे ते जनतेच्या मनात नेहमीच जिवंत राहतील. आज त्यांच्या जयंतीनिमित्त (स्मृती प्रित्यर्थ) राज्यभरातून विविध क्षेत्रातील मान्यवर, नेते आणि लाखो कार्यकर्त्यांनी त्यांच्या प्रतिमेला पुष्पहार अर्पण करून त्यांच्या पवित्र स्मृतीस विनम्र अभिवादन केले आहे..!

वक्तशिरपणा, शिस्त आणि विकासाचे राजकारण या त्रिसूत्रीच्या जोरावर अजितदादा पवार यांनी महाराष्ट्राच्या इतिहासात स्वतःचे एक अढळ स्थान निर्माण केले. एक कणखर आणि लोकाभिमुख नेतृत्व म्हणून महाराष्ट्र त्यांना सदैव स्मरणात ठेवेल..!