सोमेश्वर कारखान्याचा रोलर पूजन संपन्न…!!!

सोमेश्वरनगर,बारामती
सोमेश्वरनगर – येथील श्री सोमेश्वर सहकारी साखर कारखान्याचा रोलर
पुजन सभारंभ सोमवार दि. ३० जुन २०२५ रोजी कारखान्याचे उपाध्यक्ष
श्री. मिलींद कांबळे व संचालक श्री. अभिजीत काकडे यांच्या शुभहस्ते व
कारखान्याचे अध्यक्ष श्री. पुरुषोत्तम जगताप यांच्या प्रमुख उपस्थितीत पार
पडला. यावेळी कारखान्याचे अध्यक्ष श्री. पुरुषोत्तम जगताप म्हणाले की,
येणा-या गाळप हंगामासाठी कारखान्यातील अंतर्गत कामे प्रगतीपथावर असुन
गतवर्षीप्रमाणेच आपला हंगाम यशस्वी व सुरळीत पार पडेल अशी खात्री आहे.

पुरुषोत्तमदादा जगताप पुढे म्हणाले की, येणा-या हंगामासाठी तोडणी वाहतुक
यंत्रणेचे करारही पुर्ण झाले असुन आजपर्यंत ११२० बैलगाडी, ६०० डंपिंग, २०
ट्रक, ३७० ट्रॅक्टर, ३० हार्वेस्ट्रचे करार पुर्ण झाले असुन पहिल्या हप्त्याचे
देखील वाटप आपण केलेले आहे. येणा-या हंगामासाठी शेतकी विभागाकडे
एकुण ३५ हजार ५१२ एकर ऊसक्षेत्राची नोंद झाली असुन यात आडसाली
१४४९२ एकर, पुर्वहंगामी ७९१६ एकर, सुरु ४१३२ एकर, खोडवा ८९७२ एकर
नोंद आपल्याकडे प्राप्त झालेली आहे. या नोंद झालेल्या क्षेत्रातुन अंदाजे १२ ते
१२.५० लाख मे.टन ऊस आपणास गाळपास उपलब्ध होईल. श्री. जगताप पुढे
म्हणाले की, कारखान्याच्या शेतकी विभागाने हार्वेस्टरने तोड होणेकरीता
सभासद शेतक-यांनी पट्टा पद्धतीचा अवलंब करावा या केलेल्या आवाहनास
सभासद शेतक-यांनी सहकार्य करुन जास्तीत जास्त पट्टा पद्धत अवलंबवावी.

यावेळी कारखान्याचे संचालक श्री. सुनिल भगत, श्री. शैलेश रासकर,
श्री.बाळासाहेब कामथे, श्री.संग्राम सोरटे, श्री. ऋषीकेश गायकवाड, श्री. किसन
तांबे, श्री.अजय कदम, श्री. हरीभाऊ भोंडवे, श्री. तुषार माहुरकर, श्री. जितेंद्र
निगडे, कार्यकारी संचालक श्री. राजेंद्र यादव, वर्क्स मॅनेजर एन. एच. नायकोडे
आदी अधिकारी कर्मचारी उपस्थित होते…!!!